Madridning “Real” klubi bosh murabbiyi Xabi Alonso klublar o‘rtasidagi jahon chempionatida “Red Bull Zalsburg”ga qarshi o‘yin oldidan o‘tkazilgan matbuot anjumanida jurnalistlar bilan muloqot qildi.
"Futbolchilar mening g‘oyalarimni tushunishyaptimi? Ha, mashg‘ulotlar davomida faol muhokamalar bo‘lmoqda. Lekin asosiysi, yangi narsalarni qabul qilishga tayyorlik.
Men buni ko‘rib turibman. Futbolchilar yangi davrni muvaffaqiyatli boshlash uchun moslashishni istashmoqda. Ular ma’lumotni juda tez o‘zlashtirib olishadi, ular bilan ishlash oson", - deya Alonsoning so‘zlarini keltiradi ispan OAV.
