Igor Tudorning aytishicha, "Yuventus" klublar o‘rtasidagi jahon chempionatida "Manchester Siti"ni mag‘lub etmoqchi.
"Yuventus" klublar o‘rtasidagi jahon chempionati guruh bosqichining 3-turida "Manchester Siti"ga qarshi o‘ynaydi. Jamoalar 6 ochkoga ega bo‘lib, pley-offga chiqishdi va “G” guruhida birinchi o‘rin uchun kurashmoqda.
"Bu ajoyib o‘yin bo‘ladi. Biz maydonga g‘alaba qozonish uchun chiqamiz. Hech kim durang o‘ynash uchun o‘yinga tayyorlanmaydi.
Issiq har ikki jamoaga ham ta’sir qiladi.
Biz biroz o‘zgarishlar qilamiz, ammo jiddiy o‘ynaymiz va g‘alaba qozonishni istaymiz. Yigitlarning o‘zini ko‘rsatishga intilayotganini ko‘ryapman.
"Man Siti" - bu dunyoning eng yaxshi murabbiyi boshchiligida yillar davomida futbolda hukmronlik qilayotgan jamoa. Biz borimizni beramiz, biz o‘z futbolimizni o‘ynaymiz, ular o‘z futbolini o‘ynaydi, natija qanday bo‘lishini ko‘ramiz”, - dedi “Yuventus” bosh murabbiyi Tudor.
