O‘zbekiston Superligasining 14-turidan o‘rin olgan “Navbahor” – “Mash’al” jamoalari o‘rtasidagi uchrashuv arafasida “lochinlar”ning 31 yoshli tajribali yarim himoyachisi Benjamin Teydi bo‘lajak o‘yin haqidagi fikrlari bilan o‘rtoqlashdi.
"Menimcha, bo‘lajak bellashuv biz uchun oson kechmaydi. Boisi, raqibimiz O‘zbekiston kubogi doirasidagi bahsda “Neftchi”ni musobaqadan chiqarib yubordi va Namanganga yaxshi kayfiyatda tashrif buyuradi.
Biroq biz ham Xudodan g‘alaba qozonishni so‘ragan holda, maydonga tushamiz. "Navbahor" uchun har bir o‘yin muhim. Umid qilamanki, sadoqatli, fidoiy hamda ajoyib muxlislarimiz "Mash’al"ga qarshi kechadigan o‘yinda ham jamoamizni stadionda munosib tarzda qo‘llab-quvvatlashadi.
Biz esa ularga yaxshi kayfiyat ulashish va uylariga xursand holda qaytishlari uchun barcha imkoniyatlarimizni ishga solamiz", - dedi Teydi.
