Ўзбекистон Суперлигасининг 14-туридан ўрин олган “Навбаҳор” – “Машъал” жамоалари ўртасидаги учрашув арафасида “лочинлар”нинг 31 ёшли тажрибали ярим ҳимоячиси Бенжамин Тейди бўлажак ўйин ҳақидаги фикрлари билан ўртоқлашди.
"Менимча, бўлажак беллашув биз учун осон кечмайди. Боиси, рақибимиз Ўзбекистон кубоги доирасидаги баҳсда “Нефтчи”ни мусобақадан чиқариб юборди ва Наманганга яхши кайфиятда ташриф буюради.
Бироқ биз ҳам Худодан ғалаба қозонишни сўраган ҳолда, майдонга тушамиз. "Навбаҳор" учун ҳар бир ўйин муҳим. Умид қиламанки, садоқатли, фидоий ҳамда ажойиб мухлисларимиз "Машъал"га қарши кечадиган ўйинда ҳам жамоамизни стадионда муносиб тарзда қўллаб-қувватлашади.
Биз эса уларга яхши кайфият улашиш ва уйларига хурсанд ҳолда қайтишлари учун барча имкониятларимизни ишга соламиз", - деди Тейди.
