"Komo" "Seltik" yarim himoyachisi Nikolas Kun transferiga qiziqish bildirmoqda, deya xabar bermoqda insayder Janluka Di Marsio.
Manbaga ko‘ra, ikki klub o‘rtasida muzokaralar allaqachon bo‘lib o‘tgan. Shuningdek, 25 yoshli germaniyalik futbolchiga "Leypsig" ham qiziqmoqda. Yangi bosh murabbiy Ole Verner tayinlangach, nemis klubi yarim himoyachi transferi bo‘yicha ishlarni kuchaytirishi mumkin.
Kun 2024/25 yilgi mavsumda "Seltik" safida barcha musobaqalarda 51 ta o‘yinda maydonga tushib, 21 ta gol urdi va 15 ta golli uzatmani amalga oshirdi. Uning klub bilan shartnomasi 2029 yilning 30 iyuniga qadar amal qiladi.
