"Benfika" o‘zining rasmiy sayti orqali himoyachi Nikolas Otamendi bilan shartnomani uzaytirganini e’lon qildi. 37 yoshli futbolchi yana bir mavsumga 2026 yilning o‘rtalariga qadar hisoblangan mehnat shartnomasini imzoladi.
Otamendi "Manchester Siti"dagi besh yillik faoliyatidan so‘ng 2020 yilning sentyabr oyi oxirida "Benfika"ga ko‘chib o‘tdi. O‘shandan beri Nikolas 231 ta o‘yin o‘tkazib, jamoasi safida 15 ta gol urgan va 10 ta golli uzatmani amalga oshirgan.
Otamendi Lissabon "burgutlari"ning sardori. "Benfika" ayni damda "Chelsi"ga qarshi klublar o‘rtasidagi jahon chempionati 1/8 final uchrashuviga tayyorgarlik ko‘rmoqda. Jamoalar 28 iyun, shanba kuni maydonga tushadi.
