"Lasio" avvalroq moliyaviy mavhumlik va OAVdagi muhokamalar tufayli yuzaga kelgan shubhalarga qaramay, Maurisio Sarri jamoa bilan ishlashda davom etishini rasman tasdiqladi.
Klub saytida yozilishicha, ertalab "Lasio" prezidenti Klaudio Lotito va bosh murabbiy o‘rtasida telefon orqali batafsil suhbat bo‘lib o‘tgan. Transferlar va klubning moliyaviy barqarorligiga bevosita ta’sir ko‘rsatadigan me’yor - likvidlik indeksi masalasi diqqat markazida bo‘ldi. Rasmiy bayonotdan ma’lum bo‘lishicha, Lotito Sarriga ushbu reglamentning texnik jihatlari va kelgusidagi transfer kampaniyasiga ta’sirini batafsil tushuntirgan.
To‘liq tasavvurga ega bo‘lgach, Sarri ishni davom ettirishga tayyorligini bildirdi va vaqtinchalik qiyinchiliklarga qaramay, loyihaga sodiqligini tasdiqladi.
Eslatib o‘tamiz, iyun oyi boshida "Lasio" Sarri bosh murabbiylikka qaytganini e’lon qilgandi.
