"Лацио" аввалроқ молиявий мавҳумлик ва ОАВдаги муҳокамалар туфайли юзага келган шубҳаларга қарамай, Маурицио Сарри жамоа билан ишлашда давом этишини расман тасдиқлади.
Клуб сайтида ёзилишича, эрталаб "Лацио" президенти Клаудио Лотито ва бош мураббий ўртасида телефон орқали батафсил суҳбат бўлиб ўтган. Трансферлар ва клубнинг молиявий барқарорлигига бевосита таъсир кўрсатадиган меъёр - ликвидлик индекси масаласи диққат марказида бўлди. Расмий баёнотдан маълум бўлишича, Лотито Саррига ушбу регламентнинг техник жиҳатлари ва келгусидаги трансфер кампаниясига таъсирини батафсил тушунтирган.
Тўлиқ тасаввурга эга бўлгач, Сарри ишни давом эттиришга тайёрлигини билдирди ва вақтинчалик қийинчиликларга қарамай, лойиҳага содиқлигини тасдиқлади.
Эслатиб ўтамиз, июнь ойи бошида "Лацио" Сарри бош мураббийликка қайтганини эълон қилганди.
