La Liga rahbari Xavyer Tebas "Atletik"ning murojaati yuzasidan fikr bildirdi. "Barselona" rahbarlarining vinger Niko Uilyamsga qiziqishi haqidagi bayonotlari ortidan Bilbao klubi kataloniyaliklarning moliyaviy ahvoli to‘g‘risida ma’lumot so‘rab, La Ligaga murojaat qilgan edi.
"Atletik" shikoyat qildi, chunki "Barselona" futbolchini o‘z safiga qo‘shmoqchi ekanligini oshkora e’lon qildi. FIFA qoidalari himoyalangan davr haqida so‘z yuritadi va bizda bunga aralashish vakolati yo‘q. Biz, har doimgidek, "Barselona" o‘yinchilarni, xoh u Niko Uilyams, Xoland, Messi yoki boshqa futbolchi bo‘lsin, sotib olish uchun qoidalarga rioya qilishini nazorat qilib boramiz. Biz hech narsani o‘zgartirmaymiz.
Umid qilamanki, "Barselona" 1:1 qoidasiga amal qiladi. Buni barcha klublarga tilayman. Qoidalar hammaga yaxshi ma’lum," - dedi Tebas.
