Ла Лига раҳбари Хавьер Тебас "Атлетик"нинг мурожаати юзасидан фикр билдирди. "Барселона" раҳбарларининг вингер Нико Уильямсга қизиқиши ҳақидаги баёнотлари ортидан Бильбао клуби каталонияликларнинг молиявий аҳволи тўғрисида маълумот сўраб, Ла Лигага мурожаат қилган эди.
"Атлетик" шикоят қилди, чунки "Барселона" футболчини ўз сафига қўшмоқчи эканлигини ошкора эълон қилди. ФИФА қоидалари ҳимояланган давр ҳақида сўз юритади ва бизда бунга аралашиш ваколати йўқ. Биз, ҳар доимгидек, "Барселона" ўйинчиларни, хоҳ у Нико Уильямс, Холанд, Месси ёки бошқа футболчи бўлсин, сотиб олиш учун қоидаларга риоя қилишини назорат қилиб борамиз. Биз ҳеч нарсани ўзгартирмаймиз.
Умид қиламанки, "Барселона" 1:1 қоидасига амал қилади. Буни барча клубларга тилайман. Қоидалар ҳаммага яхши маълум," - деди Тебас.
