"Manchester Siti" ustozi Xosep Gvardiola jamoa hujumchisi Jek Grilish nega ko‘p o‘yin amaliyotiga ega bo‘lmay qo‘ygani haqidagi savolga javob berdi.
"Grilish o‘ynamayotganining yagona sababi - men. U ajoyib futbolchi, lekin o‘yinchilar raqobatlashishga majbur. O‘tgan mavsumda Doku ko‘plab o‘yinlarda aql bovar qilmas darajada edi, Savio esa bir mavsumda yangi darajaga ko‘tarildi," - deya Gvardiolaning so‘zlarini keltiradi ESPN.
Shu bilan birga, murabbiy Grilishning sifatlariga shubha qilmasligini, usiz "Manchester Siti" treblni yuta olmagan bo‘lishini ta’kidladi.
