"Strasburg" yarim himoyachisi Habib Diarra "Sanderlend"ga o‘tishga yaqin turibdi.
Sky Sports nashrining yozishicha, ingliz klubi futbolchining transferi bo‘yicha kelishuvga erishgan va uch million qo‘shimcha bonuslar bilan 27 million funt to‘lashga tayyor. Bitim "qora mushuklar" tarixidagi eng qimmat bitim bo‘ladi. Fransiyalik xavbek Dortmundning "Borussiya" klubiga o‘tgan Job Bellingemga o‘rinbosar sifatida ko‘rilmoqda.
Diarra o‘tgan mavsumda "Strasburg" safida 33 ta o‘yinda maydonga tushdi va 4 ta gol hamda 5 ta golli uzatmaga mualliflik qildi.













