"Zenit" "Roma" bilan 27 yoshli angliyalik hujumchi Temmi Abraxamning ehtimoliy transferi bo‘yicha muzokaralar olib bormoqda, deya xabar berdi italiyalik insayder Janluka Di Marsio sayti.

Manbaga ko‘ra, "ko‘k-oq-ko‘klar" rimliklarga futbolchi uchun 20 mln yevro taklif qilgan, uning o‘ziga esa uch yillik shartnoma va har mavsum uchun 5 mln yevro maosh taklif qilinmoqda. Biroq, ma’lum bo‘lishicha, Abraxam Rossiyaga ko‘chib o‘tishga rozilik berish kerakligiga ishonchi komil emas. Di Marsioning ma’lum qilishicha, 28 iyun kuni "Zenit" vakillarining hujumchi agenti bilan qo‘ng‘irog‘i belgilangan.

O‘tgan mavsumni "Roma"ga tegishli bo‘lgan Temmi Abraxam "Milan"da ijarada o‘tkazdi, u barcha musobaqalarda 45 ta o‘yin o‘tkazib, 10 ta gol urdi va yettita golli uzatmani amalga oshirdi.