FIFAning global rivojlanish bo‘yicha rahbari va "Arsenal"ning sobiq bosh murabbiyi Arsen Venger AQSHda bo‘lib o‘tayotgan klublar o‘rtasidagi jahon chempionatida maydonlar sifati bilan bog‘liq muammoni tan oldi.
Fransiyalik mutaxassis buni JCH-2026 boshlanishiga qadar hal qilishga va’da berdi.
"Shaxsan men Orlandoda maydonda bo‘lganman. Bu Yevropa klublari ko‘nikib qolgan darajada emas, chunki bu mukammal emas, lekin bu keyingi yilgi jahon chempionati uchun yaxshilanadi", - deya Vengerning so‘zlarini keltiradi Reuters.













