Madridning “Real” klubi hujumchisi Vinisius Juniorning manfaatlarini himoya qiluvchi agent Frederiko Pena 24 yoshli futbolchining kelajagi haqida gaplashish uchun AQSHga yetib keldi. Bu haqda Marca nashri xabar berdi.
Manbaning xabariga ko‘ra, braziliyalik futbolchining agenti "Qirollik klubi" rahbariyati bilan AQSHdagi uchrashuvi yangi shartnoma imzolashdan oldingi oxirgisi bo‘lishi mumkin. Ikkala tomon ham hamkorlikni davom ettirish va mehnat shartnomasini 2030 yilgacha uzaytirish niyatida.
Ta’kidlanishicha, Vinisiusning o‘zi ham "Real"dagi kelajagi borasida xotirjam. U so‘nggi oylarda o‘zining eng yaxshi o‘yinini ko‘rsatmaganini tushunib yetdi va ayni damda imkon qadar har qanday mojarolardan uzoqlashishni istaydi.
