Braziliyalik yarim himoyachi Kazemiro Saudiya Arabistonidan bo‘lgan taklifga qaramay, "Manchester Yunayted"da yana bir mavsum qolishga qaror qildi. Bu haqda jurnalist Sebastyen Vidal xabar bermoqda.
Manbaga ko‘ra, Kazemiro Braziliya terma jamoasi bosh murabbiyi Karlo Anchelotti bilan suhbatdan so‘ng kelajagi borasida bir qarorga kelgan. Ta’kidlanishicha, 33 yoshli xavbek yangi mavsumni "Manchester Yunayted"da o‘tkazadi - bu futbolchining 2026 yilgi jahon chempionatiga chiqish imkoniyatini maksimal darajada oshiradi.
2024/25 yilgi mavsumda Kazemiro barcha turnirlarda 42 ta o‘yinda maydonga tushib, beshta gol urdi va uchta golli uzatmani amalga oshirdi.
