"Fenerbaxche" bosh murabbiyi Joze Mourinyo "Manchester Siti"ning tajribali himoyachisi Kayl Uokerni taklif qilish orqali jamoani kuchaytirmoqchi. A Spor xabariga ko‘ra, mutaxassisning fikricha, angliyalik futbolchi uning o‘yin modeliga juda mos keladi.
Mourinyo Uokerni uch markaziy himoyachi sxemasida o‘ng qanotda o‘ynatishni, kerak bo‘lsa, uni yuqoriroqqa, o‘ng qanot vingeri pozisiyasiga o‘tkazishni rejalashtirmoqda.
Uokerning "Siti" bilan shartnomasi 2026 yilning yozigacha amal qiladi. 2017 yildagi transferidan beri u olti marta Premyer-ligada g‘olib chiqdi. Transfermarkt ma’lumotlariga ko‘ra, uning bozor narxi 4 mln yevroni tashkil etadi. Avvalroq, "Fenerbaxche" ehtimoliy transfer bo‘yicha muzokaralarni boshlab yuborgani xabar qilingandi.
