"Фенербахче" бош мураббийи Жозе Моуриньо "Манчестер Сити"нинг тажрибали ҳимоячиси Кайл Уокерни таклиф қилиш орқали жамоани кучайтирмоқчи. A Spor хабарига кўра, мутахассиснинг фикрича, англиялик футболчи унинг ўйин моделига жуда мос келади.
Моуриньо Уокерни уч марказий ҳимоячи схемасида ўнг қанотда ўйнатишни, керак бўлса, уни юқорироққа, ўнг қанот вингери позициясига ўтказишни режалаштирмоқда.
Уокернинг "Сити" билан шартномаси 2026 йилнинг ёзигача амал қилади. 2017 йилдаги трансферидан бери у олти марта Премьер-лигада ғолиб чиқди. Transfermarkt маълумотларига кўра, унинг бозор нархи 4 млн еврони ташкил этади. Аввалроқ, "Фенербахче" эҳтимолий трансфер бўйича музокараларни бошлаб юборгани хабар қилинганди.
