"Atletik"ning sobiq prezidenti Aytor Elizegi Ispaniya terma jamoasi hujumchisi Niko Uilyamsni sotib olishga qiziqish bildirayotgan "Barselona"ning transfer niyati haqida keskin fikr bildirdi.
Avvalroq basklar rahbariyati tovon puli masalasida yon bosishga tayyor emasligini, transferning o‘zi esa kataloniyaliklarga 58-62 million yevroga tushishi mumkinligini ma’lum qilgandi.
2018 yildan 2022 yilgacha Bilbao klubi prezidenti bo‘lgan Elizegi Nikoning ketishi mumkinligiga hissiy munosabat bildirdi:
"Barsa" o‘zi tasavvur qilgan qadriyatlardan juda uzoq. "Barselona" o‘ziga xos bo‘lmay qoldi. U hammamiz bilganimizdan ancha uzoq. Niko bu yerga bolaligida kelgan, biz uni tarbiyalaganmiz. U "Atletik"da bo‘lishni istamasligini ko‘rsatsa, bu og‘riqli," - deya sobiq prezidentning so‘zlarini keltiradi Marca.
Ma’lumki, "Atletik" barcha tovon pulini bir marta to‘lashni talab qilmoqda, "Barselona" esa uni bo‘laklarga bo‘lishni taklif qilmoqda.
