"Атлетик"нинг собиқ президенти Айтор Элизеги Испания терма жамоаси ҳужумчиси Нико Уильямсни сотиб олишга қизиқиш билдираётган "Барселона"нинг трансфер нияти ҳақида кескин фикр билдирди.
Аввалроқ басклар раҳбарияти товон пули масаласида ён босишга тайёр эмаслигини, трансфернинг ўзи эса каталонияликларга 58-62 миллион еврога тушиши мумкинлигини маълум қилганди.
2018 йилдан 2022 йилгача Бильбао клуби президенти бўлган Элизеги Никонинг кетиши мумкинлигига ҳиссий муносабат билдирди:
"Барса" ўзи тасаввур қилган қадриятлардан жуда узоқ. "Барселона" ўзига хос бўлмай қолди. У ҳаммамиз билганимиздан анча узоқ. Нико бу ерга болалигида келган, биз уни тарбиялаганмиз. У "Атлетик"да бўлишни истамаслигини кўрсатса, бу оғриқли," - дея собиқ президентнинг сўзларини келтиради Marca.
Маълумки, "Атлетик" барча товон пулини бир марта тўлашни талаб қилмоқда, "Барселона" эса уни бўлакларга бўлишни таклиф қилмоқда.
