Braziliyaning "Botafogo" klubi Renato Payvani jamoa bosh murabbiyligidan iste’foga chiqarganini e’lon qildi. Tomonlar klublar o‘rtasidagi jahon chempionati - 2025 ni tark etganidan so‘ng hamkorlikni yakunlashga qaror qilishdi.
Eslatib o‘tamiz, 55 yoshli mutaxassis joriy yilning fevral oyidan buyon braziliyaliklarni boshqarib kelayotgan edi. Bungacha murabbiy "Independyente", "Toluka", "Bayya" va "Leon" kabi klublarda faoliyat olib borgan.
Klublar o‘rtasidagi jahon chempionatining 1/8 final bosqichida "Botafogo" "Palmeyras"ga qarshi bahs olib bordi. Qarama-qarshilikning asosiy vaqtida 0:0 hisobida durang qayd etilgan bo‘lsa, qo‘shimcha bo‘limlarda "oq-qoralar" 0:1 hisobida imkoniyatni boy berdi.
