Бразилиянинг "Ботафого" клуби Ренато Пайвани жамоа бош мураббийлигидан истеъфога чиқарганини эълон қилди. Томонлар клублар ўртасидаги жаҳон чемпионати - 2025 ни тарк этганидан сўнг ҳамкорликни якунлашга қарор қилишди.
Эслатиб ўтамиз, 55 ёшли мутахассис жорий йилнинг февраль ойидан буён бразилияликларни бошқариб келаётган эди. Бунгача мураббий "Индепендьенте", "Толука", "Байя" ва "Леон" каби клубларда фаолият олиб борган.
Клублар ўртасидаги жаҳон чемпионатининг 1/8 финал босқичида "Ботафого" "Палмейрас"га қарши баҳс олиб борди. Қарама-қаршиликнинг асосий вақтида 0:0 ҳисобида дуранг қайд этилган бўлса, қўшимча бўлимларда "оқ-қоралар" 0:1 ҳисобида имкониятни бой берди.
