Vinchenso Montella Turkiya futbol federasiyasi bilan shartnomasini uzaytirdi. 51 yoshli italiyalik mutaxassis yaqin yillarda Turkiya terma jamoasi bosh murabbiyi sifatida faoliyatini davom ettiradi. Bu haqda rasman e’lon qilindi.

Avvalroq Montellaning yangi mehnat shartnomasi Yevro-2028 yakunlanguniga qadar mo‘ljallangani xabar qilingandi. Avvalgi shartnoma kelasi yozda - jahon chempionatidan keyin tugaydi.

Vinchenso Montella 2023 yil sentyabr oyida Turkiya terma jamoasini qabul qilgan. O‘shandan beri jamoa 23 ta o‘yin o‘tkazib, 12 ta g‘alaba, 4 ta durang va 7 ta mag‘lubiyat qayd etgan.