Винченцо Монтелла Туркия футбол федерацияси билан шартномасини узайтирди. 51 ёшли италиялик мутахассис яқин йилларда Туркия терма жамоаси бош мураббийи сифатида фаолиятини давом эттиради. Бу ҳақда расман эълон қилинди.

Аввалроқ Монтелланинг янги меҳнат шартномаси Евро-2028 якунлангунига қадар мўлжаллангани хабар қилинганди. Аввалги шартнома келаси ёзда - жаҳон чемпионатидан кейин тугайди.

Винченцо Монтелла 2023 йил сентябрь ойида Туркия терма жамоасини қабул қилган. Ўшандан бери жамоа 23 та ўйин ўтказиб, 12 та ғалаба, 4 та дуранг ва 7 та мағлубият қайд этган.