Madridning “Real” klubi bosh murabbiyi Xabi Alonso hujumchi Kilian Mbappega nimalarni o‘rgatmoqchi ekanligini aytdi.
"Menga Mbappega driblingni o‘rgatish qiyin bo‘ladi, ammo to‘p uchun kurashga kelsak... Biz murabbiylar Kilian bilan ishlashda aynan shu narsaga e’tibor qaratishimiz mumkin. Biz shunday qilamiz", - dedi Alonso matbuot anjumanida.
Katta ehtimol bilan ispaniyalik murabbiy to‘psiz o‘ynashni nazarda tutgan. Mutaxassis bir necha bor uning jamoasidagi har bir futbolchi pressing va himoyada ishlashi kerakligini takidlagan.
