"Real" bosh murabbiyi Xabi Alonso "Yuventus"ga qarshi klublar o‘rtasidagi jahon chempionati 1/8 final uchrashuvi oldidan Kilian Mbappening holati haqida ma’lumot berdi.
"Kilianning ertaga o‘ynash imkoniyati yaxshi. Hozircha aniq ayta olmayman, ammo imkoniyatlar ancha yuqori. Qaror o‘yindan oldin qabul qilinadi", - deb javob berdi Alonso.
Kilian Mbappe jahon chempionati guruh bosqichining uchta o‘yinini ham o‘tkazib yubordi. "Yuventus"ga qarshi o‘yin uning yangi murabbiy qo‘l ostidagi debyuti bo‘lishi mumkin.
