"Liverpul"ning hujumkor yarim himoyachisi Xarvi Elliottga boshqa bir Premyer-liga klubi qiziqish bildirmoqda.
22 yoshli futbolchi “qizillar” rahbariyatini ketishga tayyorligi haqida ma’lum qildi. U muntazam ravishda asosiy tarkibda maydonga tushishni istaydi, mersisaydliklar esa unga bunday kafolat berishga tayyor emas. Jurnalist Grem Beylining so‘zlariga ko‘ra, “Nyukasl” vaziyatni diqqat bilan kuzatib bormoqda.
Avvalroq, angliyalik futbolchiga "Brayton" va "Vest Xem" klublari qiziqish bildirayotgani haqida mish-mishlar tarqagan edi.
Mavjud ma’lumotlarga ko‘ra, "Liverpul" Xarvi Elliott uchun taxminan 50 million yevro talab qilishi mumkin. Yarim himoyachi yaqinda 21 yoshgacha bo‘lgan futbolchilar o‘rtasidagi Yevropa chempionatining eng yaxshi futbolchisi deb topildi.
