"Ливерпул"нинг ҳужумкор ярим ҳимоячиси Харви Эллиоттга бошқа бир Премьер-лига клуби қизиқиш билдирмоқда.

22 ёшли футболчи “қизиллар” раҳбариятини кетишга тайёрлиги ҳақида маълум қилди. У мунтазам равишда асосий таркибда майдонга тушишни истайди, мерсисайдликлар эса унга бундай кафолат беришга тайёр эмас. Журналист Грем Бейлининг сўзларига кўра, “Ньюкасл” вазиятни диққат билан кузатиб бормоқда.

Аввалроқ, англиялик футболчига "Брайтон" ва "Вест Хэм" клублари қизиқиш билдираётгани ҳақида миш-мишлар тарқаган эди.

Мавжуд маълумотларга кўра, "Ливерпуль" Харви Эллиотт учун тахминан 50 миллион евро талаб қилиши мумкин. Ярим ҳимоячи яқинда 21 ёшгача бўлган футболчилар ўртасидаги Европа чемпионатининг энг яхши футболчиси деб топилди.