Londonning "Arsenal" klubi yangi futbolchisi Kepa Arrisabalaga "Chelsi"dan o‘tganidan so‘ng o‘z fikrlarini bildirib o‘tdi.

"Kanonirlar" 1 iyul kuni ispaniyalik posbon bilan shartnoma imzolaganini rasman e’lon qildi. Bitim qiymati deyarli 6 mln yevroga baholanmoqda.

"Kecha men Kay (Xavers) va Martin (Edegor) bilan gaplashdim. Ular menga bu yerda hamma narsa qanday tashkil etilganini, kiyinish xonasidagi muhit qandayligini aytib berishdi. Jamoaga qo‘shilish imkoniyatini sabrsizlik bilan kutmoqdaman.

Men "Arsenal" stadioniga raqib sifatida kelganman va bu yerda har doim ajoyib muhit hukm suradi. "Arsenal" muxlislari ham o‘zgacha - ular klubni juda yaxshi ko‘rishi, jamoani qo‘llab-quvvatlashi ko‘rinib turibdi. Bunday muhitda o‘ynash yoqimli," - deydi darvozabon intervyuda.