Лондоннинг "Арсенал" клуби янги футболчиси Кепа Аррисабалага "Челси"дан ўтганидан сўнг ўз фикрларини билдириб ўтди.

"Канонирлар" 1 июль куни испаниялик посбон билан шартнома имзолаганини расман эълон қилди. Битим қиймати деярли 6 млн еврога баҳоланмоқда.

"Кеча мен Кай (Хаверц) ва Мартин (Эдегор) билан гаплашдим. Улар менга бу ерда ҳамма нарса қандай ташкил этилганини, кийиниш хонасидаги муҳит қандайлигини айтиб беришди. Жамоага қўшилиш имкониятини сабрсизлик билан кутмоқдаман.

Мен "Арсенал" стадионига рақиб сифатида келганман ва бу ерда ҳар доим ажойиб муҳит ҳукм суради. "Арсенал" мухлислари ҳам ўзгача - улар клубни жуда яхши кўриши, жамоани қўллаб-қувватлаши кўриниб турибди. Бундай муҳитда ўйнаш ёқимли," - дейди дарвозабон интервьюда.