Italiyaning sobiq bosh vaziri Silvio Berluskoni oilasi "Monsa"ni Amerikaning Beckett Layne Ventures investisiya kompaniyasiga sotishga rozi bo‘ldi.
Bitim summasi 45 mln yevroni tashkil etadi, biroq birinchi bosqichda xaridor aksiyalarning atigi 80 foizini oladi. Qolgan 20 foizi 2026 yilgacha avvalgi xo‘jayinlarda qoladi, deb yozadi Reuters.
Eslatib o‘tamiz, Berluskoni 2018 yilda "Monsa"ni sotib olgan va to‘rt yildan so‘ng uni A Seriyaga olib chiqqan edi. 2023 yilda Italiyaning sobiq bosh vaziri vafot etdi, jamoaga esa uning oilasi egalik qilishda davom etdi.
O‘tgan mavsumda klub turnir jadvalida so‘nggi o‘rinni egalladi va B Seriyaga tushib ketdi.













