Markaziy himoyachi Jarell Kuansa "Liverpul"dan rasman "Bayer"ga o‘tdi. Bu haqda Leverkuzen jamoasi matbuot xizmati xabar bermoqda.

22 yoshli ingliz nemis klubi bilan 2030 yilning yozigacha mo‘ljallangan mehnat shartnomasini imzoladi. Turli manbalardagi ma’lumotlarga ishonadigan bo‘lsak, transfer summasi 35 million yevroni tashkil etgan.

Kuansa "Liverpul" tarbiyalanuvchisi hisoblanadi. O‘tgan vaqt davomida u asosiy jamoa safida 58 ta o‘yinda maydonga tushib, 3 ta gol urgan va 3 ta golli uzatmani amalga oshirgan.