Марказий ҳимоячи Жарелл Куанса "Ливерпуль"дан расман "Байер"га ўтди. Бу ҳақда Леверкузен жамоаси матбуот хизмати хабар бермоқда.
22 ёшли инглиз немис клуби билан 2030 йилнинг ёзигача мўлжалланган меҳнат шартномасини имзолади. Турли манбалардаги маълумотларга ишонадиган бўлсак, трансфер суммаси 35 миллион еврони ташкил этган.
Куанса "Ливерпуль" тарбияланувчиси ҳисобланади. Ўтган вақт давомида у асосий жамоа сафида 58 та ўйинда майдонга тушиб, 3 та гол урган ва 3 та голли узатмани амалга оширган.













