Xorvatiya terma jamoasi safida jahon chempionati finalchisi, "Barselona"ning sobiq yarimhimoyachisi Ivan Rakitich faoliyatini yakunlashga qaror qildi.
Yarim himoyachining qarorini "Hayduk" bosh murabbiyi Gonsalo Garsiya ma’lum qildi. Rakitich ushbu klub safida 2024 yildan buyon to‘p tepib kelayotgandi.
"U aqlli, yaxshi g‘oyalarga ega, futbolni tushunadi. Hozir Ivan qiyin kunlarni boshdan kechirmoqda, chunki o‘yindan ofis ishiga o‘tish oson emas," - dedi Garsiya.
O‘tgan mavsumda 37 yoshli futbolchi 39 ta o‘yinda maydonga tushib, 2 ta gol urdi va 5 ta golli uzatmani amalga oshirdi.
