Хорватия терма жамоаси сафида жаҳон чемпионати финалчиси, "Барселона"нинг собиқ яримҳимоячиси Иван Ракитич фаолиятини якунлашга қарор қилди.
Ярим ҳимоячининг қарорини "Ҳайдук" бош мураббийи Гонсало Гарсия маълум қилди. Ракитич ушбу клуб сафида 2024 йилдан буён тўп тепиб келаётганди.
"У ақлли, яхши ғояларга эга, футболни тушунади. Ҳозир Иван қийин кунларни бошдан кечирмоқда, чунки ўйиндан офис ишига ўтиш осон эмас," - деди Гарсия.
Ўтган мавсумда 37 ёшли футболчи 39 та ўйинда майдонга тушиб, 2 та гол урди ва 5 та голли узатмани амалга оширди.
