Myunxenning "Bavariya" jamoasi hujumchisi Tomas Myuller transfer bozoridagi narxlar haqida o‘z fikrini bildirdi.
"Futbolchi uchun 150 million? Bu shunchaki klublar o‘rtasidagi muzokaralardagi raqam. Buncha pul qancha ekanligini tasavvur qilish qiyin. Bu pulga Neymarni sotib ololmaysiz, lekin juda ko‘p daraxt ekishingiz mumkin. Shunday katta mablag‘ bilan ko‘plab foydali ishlarni amalga oshirsa bo‘ladi," - deya 35 yoshli hujumchining so‘zlarini CBS keltiradi.
Eslatib o‘tamiz, Neymarning Kataloniyaning "Barselona" jamoasidan Fransiyaning "PSJ" jamoasiga o‘tishi futbol tarixidagi eng qimmat transfer bo‘lib qolmoqda. 2017 yilda Parij grandlari braziliyalik futbolchining transferi uchun "ko‘k-anorranglilar"ga 222 million yevro to‘lagan edi.
