Мюнхеннинг "Бавария" жамоаси ҳужумчиси Томас Мюллер трансфер бозоридаги нархлар ҳақида ўз фикрини билдирди.
"Футболчи учун 150 миллион? Бу шунчаки клублар ўртасидаги музокаралардаги рақам. Бунча пул қанча эканлигини тасаввур қилиш қийин. Бу пулга Неймарни сотиб ололмайсиз, лекин жуда кўп дарахт экишингиз мумкин. Шундай катта маблағ билан кўплаб фойдали ишларни амалга оширса бўлади," - дея 35 ёшли ҳужумчининг сўзларини CBS келтиради.
Эслатиб ўтамиз, Неймарнинг Каталониянинг "Барселона" жамоасидан Франциянинг "ПСЖ" жамоасига ўтиши футбол тарихидаги энг қиммат трансфер бўлиб қолмоқда. 2017 йилда Париж грандлари бразилиялик футболчининг трансфери учун "кўк-анорранглилар"га 222 миллион евро тўлаган эди.
