"Katta dubulg‘a" turkumiga kiruvchi musobaqalarda 22 ta g‘alabaga erishgan afsonaviy tennischi Rafael Nadal futbol olamidagi noxush xabarga munosabat bildirdi. "Liverpul" va Portugaliya terma jamoasi hujumchisi Diogu Jota ukasi Andre bilan dahshatli YTHda halok bo‘ldi.
"Shunday qayg‘uli va og‘riqli xabar. Ushbu og‘ir damda uning farzandlari, oilasi va do‘stlariga mehr va dalda so‘zlarini izhor etaman. Joying jannatda bo‘lsin, Diogu Dota va Andre Silva," - deb yozdi Nadal ijtimoiy tarmoqdagi sahifasida.
Diogu Jota "Liverpul"da besh mavsum o‘tkazdi. Bahorda Arne Slot jamoasi Angliya chempionatida g‘alaba qozondi.
