"Fichajes" nashri tarqatgan xabarga ko‘ra "Palmeyras" maydon markazida asosiy figura bo‘lib turgan Richard Rios o‘rta chiziqni kuchaytirish uchun dinamik va istiqbolli yarim himoyachi qidirayotgan Milanning "Inter" klubi e’tiboriga tushdi.

Dastlabki aloqalar allaqachon o‘rnatilgan. Ammo braziliyaliklar eng qimmatbaho aktivlaridan birini osonlikcha qo‘ldan chiqarmoqchi emas. Ma’lum bo‘lishicha, "Palmeyras" 30 million yevrodan boshlanadigan takliflarni ko‘rib chiqishga tayyor.

"Inter"ning qiziqishlariga qaramay, Rios faoliyatida yangi istiqbollarni ochib bergan hozirgi klubiga sodiq qolmoqda.

Eslatib o‘tamiz, Rios 2024/25 yilgi mavsumda "Palmeyras" safida barcha musobaqalarda 34 ta o‘yinda maydonga tushib, 4 ta gol va 3 ta golli uzatmaga mualliflik qilgan.