"Fichajes" нашри тарқатган хабарга кўра "Палмейрас" майдон марказида асосий фигура бўлиб турган Ричард Риос ўрта чизиқни кучайтириш учун динамик ва истиқболли ярим ҳимоячи қидираётган Миланнинг "Интер" клуби эътиборига тушди.
Дастлабки алоқалар аллақачон ўрнатилган. Аммо бразилияликлар энг қимматбаҳо активларидан бирини осонликча қўлдан чиқармоқчи эмас. Маълум бўлишича, "Палмейрас" 30 миллион евродан бошланадиган таклифларни кўриб чиқишга тайёр.
"Интер"нинг қизиқишларига қарамай, Риос фаолиятида янги истиқболларни очиб берган ҳозирги клубига содиқ қолмоқда.
Эслатиб ўтамиз, Риос 2024/25 йилги мавсумда "Палмейрас" сафида барча мусобақаларда 34 та ўйинда майдонга тушиб, 4 та гол ва 3 та голли узатмага муаллифлик қилган.
