Himoyachi Markos Roxo faoliyatini "Boka Xuniors"da davom ettirishni rejalashtirmayapti va yozgi transfer oynasida klubni tark etmoqchi, deb xabar bermoqda TNT Sports jurnalisti Markos Bonokor.
Manbaga ko‘ra, 35 yoshli argentinalikni "Inter Mayami" o‘z safiga qo‘shib olishi mumkin. "Boka Xuniors" rahbariyati tomonlarning o‘zaro kelishuviga ko‘ra futbolchining ketishini kutmoqda.
Roxo 2021 yil fevral oyida "Boka Xuniors"ga o‘tdi. Uning shartnomasi 2025 yilning 31 dekabriga qadar amal qiladi.
2025 yilgi mavsumda himoyachi 13 ta o‘yinda maydonga tushib, 1 ta gol urgan.













