"Yuventus" hujumchisi Jonatan Devid yangi jamoasida nimalarga erishmoqchi ekanligini aytdi. "Lill"ning sobiq futbolchisi juma kuni rasman "keksa sinyora" safiga erkin agent sifatida qo‘shildi.
"Men A Seriyada o‘zimni ko‘rsatish imkoniyatidan hayajondaman. Bu men uchun qiyin. Maqsadim yangi ligaga ko‘nikish, jamoadoshlarim bilan o‘ynash va muvaffaqiyatga erishish. Mavsumni ajoyib o‘tkazishga umid qilaman va "Yuventus"ga sovrinlarni yutish uchun qo‘limdan kelgan barcha ishni qilishga harakat qilaman", dedi u.
Devid Turin giganti tarixidagi birinchi kanadalik bo‘ldi, bu haqda u ham intervyuda gapirdi.
"Bu juda yoqimli. Men boshqa iqtidorli kanadaliklarga ham bir kun kelib ular ham shunday qilishlari uchun yo‘l ochishga harakat qilyapman", - dedi 25 yoshli forvard.
Jonatan Devidning "Yuventus" bilan shartnomasi 2030 yilgacha mo‘ljallangan.
