"Ювентус" ҳужумчиси Жонатан Дэвид янги жамоасида нималарга эришмоқчи эканлигини айтди. "Лилл"нинг собиқ футболчиси жума куни расман "кекса синьора" сафига эркин агент сифатида қўшилди.
"Мен А Серияда ўзимни кўрсатиш имкониятидан ҳаяжондаман. Бу мен учун қийин. Мақсадим янги лигага кўникиш, жамоадошларим билан ўйнаш ва муваффақиятга эришиш. Мавсумни ажойиб ўтказишга умид қиламан ва "Ювентус"га совринларни ютиш учун қўлимдан келган барча ишни қилишга ҳаракат қиламан", деди у.
Дэвид Турин гиганти тарихидаги биринчи канадалик бўлди, бу ҳақда у ҳам интервюда гапирди.
"Бу жуда ёқимли. Мен бошқа иқтидорли канадаликларга ҳам бир кун келиб улар ҳам шундай қилишлари учун йўл очишга ҳаракат қиляпман", - деди 25 ёшли форвард.
Жонатан Дэвиднинг "Ювентус" билан шартномаси 2030 йилгача мўлжалланган.
