"RB Leypsig" markaziy himoyachisi Kastello Lyukeba Londonning "Tottenxem" klubi radarida turibdi. Bu haqda jurnalist Sebastyen Vidal xabar bermoqda.

Manbaga ko‘ra, "Tottenxem" Kristian Romeroning ketishini kutmoqda, shu sababli "shporlar"ning yangi bosh murabbiyi Tomas Frank Lukebani o‘z safiga qo‘shib olmoqchi. Jurnalistning ma’lumotiga ko‘ra, 22 yoshli fransuzning "RB Leypsig" bilan shartnomasida 89 million yevrolik tovon puli ko‘rsatilgan, biroq nemis klubi pasaytirilgan narx bo‘yicha muzokaralar olib borishga tayyorligi ta’kidlanmoqda.

O‘tgan mavsumda Lyukeba barcha musobaqalarni qo‘shib hisoblaganda 31 ta o‘yinda maydonga tushgan.