Leverkuzenning "Bayer" klubi chexiyalik darvozaboni Matey Kovarj Niderlandiyaning PSV klubiga o‘tishga yaqin turibdi. Bu haqda Sky Sport xabar bermoqda.
Manbaga ko‘ra, klublar 25 yoshli Kovarjni besh million yevro va ikki million bonus evaziga transfer qilish bo‘yicha to‘liq kelishuvga erishgan. Bundan tashqari, shartnomaga "Bayer" futbolchining keyingi sotuvidan ma’lum foiz olishi haqidagi band kiritilgan.
Kovarj 2023 yildan beri "Bayer" sharafini himoya qilmoqda. O‘tgan mavsumda u barcha turnirlarda 15 ta uchrashuvda qatnashib, 13 ta gol o‘tkazib yubordi va to‘qqiz marta o‘z darvozasini daxlsiz qoldirishga muvaffaq bo‘ldi.













