Леверкузеннинг "Байер" клуби чехиялик дарвозабони Матей Коварж Нидерландиянинг ПСВ клубига ўтишга яқин турибди. Бу ҳақда Sky Sport хабар бермоқда.
Манбага кўра, клублар 25 ёшли Коваржни беш миллион евро ва икки миллион бонус эвазига трансфер қилиш бўйича тўлиқ келишувга эришган. Бундан ташқари, шартномага "Байер" футболчининг кейинги сотувидан маълум фоиз олиши ҳақидаги банд киритилган.
Коварж 2023 йилдан бери "Байер" шарафини ҳимоя қилмоқда. Ўтган мавсумда у барча турнирларда 15 та учрашувда қатнашиб, 13 та гол ўтказиб юборди ва тўққиз марта ўз дарвозасини дахлсиз қолдиришга муваффақ бўлди.
