"Manchester Yunayted" mavsum oldidan 4 nafar futbolchisini sota olmayapti.
The Athletic nashri xabariga ko‘ra, "Manchester Yunayted" bosh murabbiyi Ruben Amorim dushanba kuni mavsumoldi yig‘in boshlangunga qadar Markus Reshford, Jeydon Sancho, Alexandro Garnacho va Antoni jamoani tark etishini xohlagan. Taxminlarga ko‘ra, ularning ketishi klubning maosh fondini sezilarli darajada qisqartiradi va jamoada so‘nggi ikki mavsumda yuzaga kelgan ayrim muammolarni hal qiladi. Biroq, klub to‘rt nafar futbolchining birortasi bilan xayrlasha olmadi.
Xabar qilinishicha, o‘tgan hafta klub Reshford, Garnacho, Antoni, Sancho va Tirella Malasialarning mashg‘ulotlarga qaytishini iyul oyining oxirigacha qoldirib, ularga yangi jamoa topishga ko‘proq vaqt ajratgan. Besh futbolchining barchasi qaror haqida xabardor qilingan. Futbolchilarga "Manchester Yunayted" bazasidagi tibbiy va yordam muassasalariga kirishga ruxsat berilishi mumkin, ammo ularning jamoaga qaytishi deyarli imkonsiz.
