"PSJ" darvozaboni Janluiji Donnarumma klublar o‘rtasidagi jahon chempionatining chorak finalida jarohat olgan "Bavariya" yarim himoyachisi Jamol Musialaga murojaat qildi.
Jamoalarning o‘yini 5 iyul, shanba kuni bo‘lib o‘tdi va parijliklarning 2:0 hisobidagi g‘alabasi bilan yakunlandi. 45+4-daqiqada Musiala Donnarumma bilan to‘qnashuvda jiddiy jarohat oldi. O‘yin translyasiyasiga Myunxen klubi futbolchisining oyog‘i g‘ayritabiiy tarzda qayrilgani tasvirlangan.
"Jamol, barcha duolarim va ezgu tilaklarim sen bilan," - deb yozdi Donnarumma o‘zining ijtimoiy tarmoqlardagi sahifasida.
Avvalroq, 22 yoshli Musiala "PSJ"ga qarshi o‘yindan so‘ng kichik boldir suyagi singan degan gumon bilan shifoxonaga olib ketilgani xabar qilingandi.
