"ПСЖ" дарвозабони Жанлуижи Доннарумма клублар ўртасидаги жаҳон чемпионатининг чорак финалида жароҳат олган "Бавария" ярим ҳимоячиси Жамол Мусиалага мурожаат қилди.
Жамоаларнинг ўйини 5 июль, шанба куни бўлиб ўтди ва парижликларнинг 2:0 ҳисобидаги ғалабаси билан якунланди. 45+4-дақиқада Мусиала Доннарумма билан тўқнашувда жиддий жароҳат олди. Ўйин трансляциясига Мюнхен клуби футболчисининг оёғи ғайритабиий тарзда қайрилгани тасвирланган.
"Жамол, барча дуоларим ва эзгу тилакларим сен билан," - деб ёзди Доннарумма ўзининг ижтимоий тармоқлардаги саҳифасида.
Аввалроқ, 22 ёшли Мусиала "ПСЖ"га қарши ўйиндан сўнг кичик болдир суяги синган деган гумон билан шифохонага олиб кетилгани хабар қилинганди.
