"Inter Mayami" bosh murabbiyi Xavyer Maskerano navbatdagi yorqin o‘yinini o‘tkazgan Lionel Messi haqidagi fikrlari bilan o‘rtoqlashdi.
38 yoshli futbolchi MLS'ning "Monreal"ga qarshi o‘yinida dubl va golli pas muallifiga aylandi. Floridaliklar yirik hisobda g‘alaba qozondi - 4:1.
"Leo futbol o‘ynashdan xursand ekanligini tushunishimiz kerak. U har safar bunga qodir bo‘lganda maydonga tushadi. Uning ishtiroki bizga jiddiy ustunlik beradi va biz bundan foydalanmoqchimiz," - deya jurnalist Xose Armando Maskeranoning o‘yindan keyingi intervyusidan iqtibos keltiradi.
